Ямарч улс оронд барилгын салбар бол хамгийн их оролцогчтой, ажилтантай, чухал салбар байдаг. Монгол улсын хэмжээнд барилга бүтээн байгуулалт, засал үүнийг дагасан олон тооны гүйцэтгэлийн ажлуудыг хийх шаардлага урган гарч байдаг. Тухайн салбарын хэрэгцээ зөвхөн Барилгын компаниудад төдийгүй бидэнд өөрийн байшин барилгаа өөрчлүүлэх, засуулах хэрэгцээ шаардлагууд өдөр тутам гарсаар байдаг. Энэхүү хэрэгцээ шаардлагыг одоогийн байдлаар хүмүүс зарын сайтууд, FB, найз нөхөд, танилын хүрээгээр дамжуулж, асууж сураглах байдлаар хангаж байна. Энэ нь чанарын, хариуцлагын болоод санхүүгийн асуудлуудыг араасаа дагуулдаг. Барилгын компани, туслан гүйцэтгэгч төрөл бүрийн бригадуудыг нэг дороос харж, цаг хугацаа орон зай хэмнэх, өөр хоорондоо харилцаа үүсгэж, ойлголцож, хамтран ажиллахад туслах цогц системийн эхний хувилбарыг гарган үйл ажиллагаа явуулж байгаа билээ.